အမေနေ့ စာစုလေးများ....
'' အမေ ၏ နို့ရည်ဟူသည် ကလေးကို ချစ်သော မေတ္တာကို အရင်းခံ၍ ကံ,စိတ်,ဥတု,အာဟာရကြောင့် ဖြစ်နေသော သွေးပင်
ဖြစ်ပါသည် ''
(အရှင် ဇနကာ ဘိဝံသ)
'' ကိုယ်ယဉ်ကျေး၊နှုတ်ယဉ်ကျေး၊စိတ်ယဉ်
ကျေးအောင် သင်ပေးတတ်၊ ပုံတိုပတ်စ ပြောပြတတ်သော မိခင်ကို ရည်ရွယ်၍ ပုခက်လွှဲသောလက်သည် တိုင်းပြည်ကို အုပ်စိုးနိုင်၏ ဟု ပြောစမှတ် ပြုကြပါသည် ’'
(အရှင်ဇနကာ ဘိဝံသ)
မိမိကိုယ်တိုင် ကိုးလ၊ ဆယ်လလွယ်ကာ မွေးလာခဲ့ရသောကြောင့်၎င်း၊အမြဲနီးနီးကပ်ကပ် ကိုယ်နှင့်မကွာ ယုယပိုက်ထွေး နို့ချိုတိုက်
ကျွေးလျှက် ပြုစုခဲ့ရသောကြောင့်၎င်း၊ဖခင်
ထက် မိခင်၏ မေတ္တာစိတ်က သာလွန်၏ ''
(ကျေးဇူးတော်ရှင် သပြေကန် ဆရာတော်ကြီး)
'' မိခင်များ၏ မေတ္တာကား ကမ်းမမြင် လမ်းမမြင်အောင် ကျယ်ပြောနက်ရှိုင်းလှ
သည်။ အလျား,အနံ,အနက်အရှိုင်း ထုထည်
ပမာဏကို ခန့်မှန်း၍ မဖြစ်နိုင်။ တိုင်းတာ၍
လည်း မဖြစ်နိုင်ချေ ''
( ဦးဇောတိက (မဟာဓမ္မာစရိယ)လက်ပံဇင် )
'' အမေရဲ့မျက်နှာဟာ ပါးရည်တွေ တွန့်လိပ်
နေပေမယ့်၊ အိုမင်းရင့်ရော်နေပေမယ့်၊ ဆံဖြူသွားကျိုးဖြစ်နေပေမယ့်၊ သားသမီးအပေါ် ထားရှိတဲ့ မေတ္တာကတော့ ထာဝရ နုပျိုဆဲ၊ ထာဝရရှင်သန်ဆဲ၊ စမ်းရေပမာလို ကြည်လင်အေးမြဆဲပါ ''
(အရှင်ထေရ၀ံသ - ပုသိမ်)
လောကတွင်
ဘုရားနှင့် ကင်းသောသူ ရှိ၏။
တရားနှင့် ကင်းသောသူ ရှိ၏။
သံဃာနှင့် ကင်းသောသူ ရှိ၏။ သို့သော်
အမေ နှင့်ကင်းသောသူ မရှိ။
(ဗုဒ္ဓ၀င် ဦးထွန်းစိန်)
'' ဘုရားရှင်ရဲ့ မဟာကရုဏာ၊ မဟာမေတ္တာ
ပြီးလျှင် အမေ့ရဲ့ ကရုဏာနဲ့မေတ္တာက အကြီးမားဆုံးပါပဲ''
(ကာမန္ဒကီ နီတိဆရာကြီး)
'' တိရစ္ဆာန်လောက၌ သံယောဇဉ်ပါသော ဆက်ဆံရေးကို မိခင်နှင့် ရင်သွေးငယ်တို့၏ ဆက်ဆံရေးတွင်သာ တွေ့ရသည်။ ''
(မနုဿဗေဒ ပညာရှင်များ)
'' မိခင်၏မေတ္တာသည် မဖြစ်နိုင်ဟူသော အရာ များကို ဖြစ်အောင်လုပ်နိုင်သည် ''
(မောရစ်)
'' မွေးမိခင်မှာရှိတဲ့ မေတ္တာ,တန်ခိုး,အလှအပ,အစွမ်းသတ္တိ နဲ့ ခန့်ငြားတဲ့ ကျက်သရေကို ဘယ်ဘာသာ စကား ကမှ ပြည့်စုံအောင် မဖော်ပြနိုင်ပါဘူး ''
(အီး-အိပ်ခ်ျ-ချာပခန်)
အမေဟူရာ၌ ဥစ္စာဓနပေါများခြင်း၊ ဆင်းရဲခြင်း၊ ဂုဏ်ရှိခြင်း၊ဂုဏ်မဲ့ခြင်း၊အမျိုးမြတ်ခြင်း၊ အမျိုးနိမ့်ခြင်း၊ ပညာရှိခြင်း၊ ပညာမဲ့ခြင်း၊ ရုပ်ရည်တင့်တယ်ခြင်း၊ ရုပ်ရည်
မတင့်တယ်ခြင်း၊ကိုယ်ကျင့်တရားပြည့်ဝခြင်း၊ ကိုယ်ကျင့်တရား ချို့ငဲ့ခြင်း၊ကျန်းမာခြင်း၊ မကျန်းမာခြင်း၊ မိခင်တို့၏၀တ္တရား
ကျေပွန်ခြင်း၊၊ မိခင်တို့၏၀တ္တရား ပျက်ကွက်ခြင်း စသည်တို့သည်ကား ပဓာန မဟုတ်၊ အမေသည် အမေသာဖြစ်၏ဟူသော အနှစ်သာရကိုသာ ကြည်ညိုရမည်ဖြစ်သည်။
'' အမိဟူသည် သားသမီးတို့၏ စိတ်နှလုံးတွင်
ရွှင်ပြုံးကြည့်နူးစေ၍ လူအပေါင်းတို့အား လူ့လောကသို့ ပို့ဆောင်ပေးတတ်သော အမျိုးသမီးကို အမိ ဟုခေါ်၍ စကားအားဖြင့် အမေ ဟု ခေါ်ပါသည် ''
'' အမေ့မေတ္တာဆိုတာက မပျက်စီးတဲ့အရာ၊ သင်္ခါရကင်းလွတ်တဲ့ပစ္စည်း၊ မပျောက်ဆုံးတဲ့ ၀တ္တု ပါ ''
(ဦးသုခ)
'' တုနှိုင်းမရသော မေတ္တာဓာတ် ကိန်းဝပ်နေ၍ ကမ္ဘာပေါ်ရှိ မိန်းမများအလှတွင် မိခင်မျက်နှာ
သည် အလှပဆုံး အပြစ်အကင်းဆုံး ဖြစ်လာ
ရသည် ''
(ခင်နှင်းယု)
'' ဒီကမ္ဘာလောကကြီးထဲမှာဖြင့် ဘယ်တော့မှ မပြောင်းလဲတဲ့ ဝါဒတရားတစ်ခုရှိတယ်ဆိုရင် အဲဒီဝါဒဟာ အမေတိုင်း အမေတိုင်းရဲ့ သားသမီးအပေါ်ထားရှိတဲ့ မေတ္တာဝါဒပဲ ဖြစ်မယ် ''
(တက္ကသိုလ်စိန်တင်)
No comments:
Post a Comment